Artigo a favor

Na crise que estamos a vivir, formúlase a pregunta de se a xuventude está a consumir de xeito responsable. Pero, qué é o consumo responsable? O consumo responsable basease en axustarse ás necesidades reais e considerar o impacto ambiental dos produtos, se as empresas das que proceden respetan o medio e os dereitos humanos e a calidade do que se merca. Este tipo de consumo está a aumentar.

Para empezar, hai unha gran cantidade de asociacións anticapitalistas que organizan actividades a través da rede para fomentar este tipo de consumo, como bancos de tempo, mercadillos de troco, cooperativas, asociacións de comerciantes locais ou manifestacións, como o 15-M.

Tamén aumentou un 54% o emprego da Banca Ética, que son bancos que invirten o capital en proxectos medioambientais e humanitarios, a diferenza doutros que invirten, por exemplo en armamento. Foron creados buscando coherencia, xa que ONG e organizacións de paz gardaban o seu diñeiro en bancos que invertían en armamento, co cal todos os seus esforzos carecían de sentido. Estes bancos son completamente transparentes e os clientes saben a qué destinan os seus aforros.

Unha proba real de que os mozos consumen responsablemente é unha estatística encargada polo goberno vasco que consistiu en 1500 chamadas a mozos e que concluiu que o 42% da xuventude vasca consume responsablemente e que o 58% consume de forma racional.

Non podemos esquecernos das enerxías alternativas: eólica, solar, biomasa,... Este tipo de enerxías non resultan tan contaminantes como as fósiles e ademais renóvanse. Cada vez investígase máis neste campo.

Mencionar tamén a popularidade do ecolóxico, moi importante con respecto ao consumo responsable. Este ámbito é tan importante que moitas empresas o utilizan xa como reclamo publicitario. O exemplo máis claro é McDonald´s coas súas hamburguesas 100% de vacuno e o seu cambio de logotipo, de vermello a verde, a modo de mensaxe subliminal.

Por outra banda, o principal motivo polo que a mocidade consume de xeito máis responsable é que cada vez estamos máis informados, sobre todo a través de internet, onde aparece información de todo tipo. Isto inflúe moito na nosa visión con respecto á crise e o consumo.

En conclusión, o consumo responsable está aumentando e vese reflexado en cada un dos aspectos mencionados anteriormente. O contexto da crise económica inflúe claramente nunha concienciación cada vez maior por parte de toda a poboación. Sería bo que esta actitude non durase unicamente no período en que estemos en crise e que continúe aumentando.

Artigo en contra.

Son moitos os que ultimamente se cuestionan se está a aumentar a conciencia dun consumo responsable entre os mozos, neste contexto de crise que dende non hai moito nos rodea e que provoca a necesidade de axustarse o cinto no seo de milleiros de familias neste noso país.

Baixo o meu punto de vista, a resposta á devandita cuestión é de sobra coñecida e obvia, desgraciadamente a poboación non se está a concienciar, especialmente os adolescentes.

Para argumentar a miña anterior afirmación apoiareime nunha serie de estatísticas relacionadas cos gastos dos adolescentes en novas tecnoloxías, alimentación e vestimenta. Segundo estas estatísticas a mocidade do noso Estado ten 1’78 teléfonos móbiles ao ano, o que implica que cambian de móbil polo menos unha vez ao ano; só un 4% non o teñen e xa son un 33% os mozos que chegan a ter até catro aparellos, nestes datos podemos observar non só a pouca concienciación dos adolescentes ante a etapa que estamos a vivir, senón tamén a súa falta de conciencia ecolóxica, xa que para fabricar tanto teléfonos móbiles como calquera outro tipo de aparellos tecnolóxicos é necesaria a utilización do coltán, cuxa extracción provoca un enorme deterioro do ecosistema. Tamén está probado que os mozos gastan de media 155 euros mensuais, sen ter en conta os cartos que seus pais gastan neles para satisfacer as súas necesidades reais; esta cantidade repártese da seguinte maneira: 20 euros en aparellos tecnolóxicos, 26 en roupa e 24 en comida. Outro dos argumentos nos que me baseo é a compra de produtos fabricados seguindo a idea da obsolescencia programada, obrigándote a ti mesmo a ter que mercar outro nun curto espazo de tempo, que por outra parte obrígache a deixar a un lado o método dos tres erres: reducir, reutilizar e reciclar. Tamén me gustaría mencionar a compra de produtos innecesarios que poderiamos fabricar perfectamente nos nosos fogares, sen necesidade de gastar cartos de maneira absurda e pouco responsable; e a falta de información sobre a industria artesanal, que provoca a falta de demanda e como consecuencia o peche de numerosos postos artesáns que fabrican produtos coa mesma calidade ca os feitos pola industria comercial, coa diferenza de que nesta última se prexudica o medio ambiente e se dan numerosos casos de explotación, mesmo infantil.

En conclusión, a mocidade , influída polos efectos desta sociedade egoísta e movida pola publicidade, non é capaz de ver máis aló das súas casas e é por iso que non comezarán a concienciarse até que a fame e as necesidades peten á súa propia porta.